Toshkentning qaysi manzillarida issiq suv vaqtincha to‘xtatilishi aytildi

Unga ko‘ra, 25-, 26-, 27-mart kunlari issiqlik tarmoqlarining maksimal haroratga chidamliligi sinovdan o‘tkaziladi. Shu munosabat bilan ko‘rsatilgan sanalarda quyidagi manzillarda soat 9:00 dan 18:00 gacha issiq suv ta’minoti vaqtincha to‘xtatiladi. 

25-mart kuni Mirzo Ulug‘bek, Yashnobod, va Yunusobod tumanining bir qismida, 26-mart kuni Chilonzor va Uchtepa tumanlarida, 27-mart kuni Mirzo Ulug‘bek tumanida issiq suv vaqtincha o‘chirib qo‘yiladi. 

Sinovlar kelasi isitish mavsumiga puxta tayyorgarlik ko‘rish maqsadida o‘tkazilmoqda. Maksimal haroratdagi sinovlar davomida quvurlarda shikastlanishlar yuz berishi, issiq suv yo‘llar va trotuarlarga chiqib ketishi mumkin.