2,4 миллион чақалоқни қутқариб қолган австралиялик эркак вафот этди

Қайд этилишича, у 17 февраль куни NSW қариялар уйида ухлаб ётган пайтида вафот этган. Аммо бу ҳақда унинг оила аъзолари орадан икки ҳафта ўтганидан сўнг оммага очиқлаган. 

Австралия Қизил хоч қон хизматига кўра, Харрисон 14 ёшида кўкрак қафасида катта операцияни бошдан кечирган. Операциядан омон қолганидан кейин донор бўлишга қарор қилган. 

Унинг қонида камёб бўлган махсус сарумни ҳосил қилиш учун ишлатиладиган, ноёб иммуноглобулин (anti-D) мавжуд бўлган. Бу орқали она ва бола ўртасида пайдо бўлиши мумкин бўлган кўплаб касалликларнинг олдини олиш мумкин. 

У 18 ёшидан бошлаб 81 ёшига қадар ҳар икки ҳафтада бир марта қон бериб келган. Бу орқали у 2005 йилда энг кўп хайрия қилинган қон плазмаси бўйича жаҳон рекордини ўрнатган ва 2022 йилда бу рекорд АҚШлик эркак томонидан янгиланмагунча, у дунёдаги энг сахий донор бўлиб қолган.