2,4 million chaqaloqni qutqarib qolgan avstraliyalik erkak vafot etdi

Qayd etilishicha, u 17-fevral kuni NSW qariyalar uyida uxlab yotgan paytida vafot etgan. Ammo bu haqda uning oila a’zolari oradan ikki hafta o‘tganidan so‘ng ommaga ochiqlagan. 

Avstraliya Qizil xoch qon xizmatiga ko‘ra, Xarrison 14 yoshida ko‘krak qafasida katta operatsiyani boshdan kechirgan. Operatsiyadan omon qolganidan keyin u donor bo‘lishga qaror qilgan. 

Uning qonida kamyob bo‘lgan maxsus sarumni hosil qilish uchun ishlatiladigan, noyob immunoglobulin (anti-D) mavjud bo‘lgan. Bu orqali ona va bola o‘rtasida paydo bo‘lishi mumkin bo‘lgan ko‘plab kasalliklarning oldini olish mumkin. 

U 18 yoshidan boshlab 81 yoshiga qadar har ikki haftada bir marotaba qon berib kelgan. Bu orqali u 2005-yilda eng ko‘p xayriya qilingan qon plazmasi bo‘yicha jahon rekordini o‘rnatgan va 2022-yilda bu rekord AQShlik erkak tomonidan yangilanmaguncha, u dunyodagi eng saxiy donor bo‘lib qolgan.