Андижонда яроқсиз бензин ортидан 130 млн сўмга яқин даромад кўрганлар аниқланди

Қайд этилишича, Рақобат қўмитасининг Андижон вилояти ҳудудий бошқармаси томонидан ўтган 2024 йил давомида автомобилларга ёқилғи қуйиш шохобчалари томонидан истеъмолчиларга етказиб берилаётган бензин маҳсулотлари сифати юзасидан ўрганишлар ўтказилган. 

Олиб борилган ўрганишлар натижасида 18 та хўжалик юритувчи субъектлар томонидан истеъмолчиларга сифатсиз маҳсулот сотганлиги оқибатида 128 млн сўмга яқин даромад олган. 

Қонунбузарлик ҳолатлари "Faykon", "Markaziy gaz oil", "Azizbek barchinoy", "Sanjar", "Qalqon invest star", "Baraka 2000", "Ziyo agro kimyo mineral", "Abdusattor sifat oil", "Madina baraka xamkor", "Andijon neft bazasi", "Fayz baraka hamkori", "Eco petrol max", "Mustaqillik 2001", "Elit tranzit oil", "Eoburshox plyus oil", "Brava oil ko", "Moxinur oil", "Maks petrol agro" каби МЧЖларда аниқланган. 

Юқоридаги аниқланган ҳолатларга мувофиқ, ҳудудий бошқарманинг махсус комиссияси томонидан хизмат кўрсатувчи АЁҚШларга нисбатан "Истеъмолчилар ҳуқуқларини ҳимоя қилиш тўғрисида"ги қонун талаблари бузилиши аломатлари юзасидан Вазирлар Маҳкамасининг 225-сонли қарори билан тасдиқланган низомга мувофиқ ишлар қўзғатилиб, асоссиз олинган даромадни истеъмолчиларга қайтариш бўйича бажарилиши мажбурий бўлган кўрсатмалар берилган.