БМТ раҳбари Исроилнинг Рафаҳ лагерига уюштирган зарбасини қоралади

Баёнотда, А. Гутерришнинг якшанба куни Рафаҳда уй-жойдан кўчирилганлар бошпана топаётган чодирларни нишонга олган ҳаво ҳужумларини энг кескин қоралагани билдирилди. Ўлганлар ва ярадорлар, жумладан, кўплаб кичик болаларнинг фотосуратлари уни ҳайратда қолдирди, деди жаҳон ташкилоти раҳбарининг расмий вакили.

Баёнотда қайд этилишича, А. Гутерриш даҳшат ва азоб-уқубатларни зудлик билан тўхтатиш кераклигини яна бир бор таъкидлади. “Бош котиб зудлик билан ўт очишни тўхтатиш ва барча гаровга олинганларни зудлик билан ва сўзсиз озод қилиш талабини яна бир бор таъкидлади, у мажбурий бўлган ва бажарилиши керак бўлган Халқаро суд қарорларини эслатди”, — деди С. Дюжаррик.

Эслатиб ўтамиз, халқаро суд Исроилга Рафаҳдаги ҳарбий ҳужумларини тўхтатишни буюрган эди. Шунингдек, Исроил расмийлари муҳтожларга гуманитар ёрдам етиб бориши учун барча тўсиқларни олиб ташлаши, назорат пунктларини очиши ҳамда хавфсизликни таъминлаши кераклиги талаб қилинган. Баёнотда айтилишича, гуманитар ташкилотлар Ғазо бўйлаб муҳтож бўлган барча тинч аҳолига инсонпарварлик ёрдамларини етказиб бериш учун тинч ва хавфсиз ҳаракатланиш имкониятига эга бўлиши керак.