BMT rahbari Isroilning Rafah lageriga uyushtirgan zarbasini qoraladi

Bayonotda, A. Guterrishning yakshanba kuni Rafahda uy-joydan koʻchirilganlar boshpana topayotgan chodirlarni nishonga olgan havo hujumlarini eng keskin qoralagani bildirildi. Oʻlganlar va yaradorlar, jumladan, koʻplab kichik bolalarning fotosuratlari uni hayratda qoldirdi, dedi jahon tashkiloti rahbarining rasmiy vakili.

Bayonotda qayd etilishicha, A. Guterrish dahshat va azob-uqubatlarni zudlik bilan toʻxtatish kerakligini yana bir bor taʼkidladi. “Bosh kotib zudlik bilan oʻt ochishni toʻxtatish va barcha garovga olinganlarni zudlik bilan va soʻzsiz ozod qilish talabini yana bir bor taʼkidladi, u majburiy boʻlgan va bajarilishi kerak boʻlgan Xalqaro sud qarorlarini eslatdi”, — dedi S. Dyujarrik.

Eslatib oʻtamiz, xalqaro sud Isroilga Rafahdagi harbiy hujumlarini toʻxtatishni buyurgan edi. Shuningdek, Isroil rasmiylari muhtojlarga gumanitar yordam yetib borishi uchun barcha toʻsiqlarni olib tashlashi, nazorat punktlarini ochishi hamda xavfsizlikni taʼminlashi kerakligi talab qilingan. Bayonotda aytilishicha, gumanitar tashkilotlar Gʻazo boʻylab muhtoj boʻlgan barcha tinch aholiga insonparvarlik yordamlarini yetkazib berish uchun tinch va xavfsiz harakatlanish imkoniyatiga ega boʻlishi kerak.