Фарғонада вояга етмаган "ҳайдовчи" ЙТҲ қурбони бўлди

Баён қилинишича, 2004 йилда туғилган фуқаро М.Ғ. амакиси Ё.Ғ.га тегишли бўлган "BYD Song EV" машинасини тегишли ҳужжатларсиз бошқарган. 

Ҳолат юзасидан 30 январь куни маъмурий баённома расмийлаштириб, Вазирлар Маҳкамасининг 149-сонли қарори асосида ЙПХ инспектори Р.Қ. томонидан жарима майдончасига олиб кетилаётганида "Дамас" машинаси билан тўқнашиб кетган. 

"Damas" бошқарувида 2007 йилда туғилган вояга етмаган Х.Н. бўлиб, у устози А.С.га тегишли (устози А.С. вояга етмаган Х.Н.нинг ҳайдовчилик гувоҳномаси йўқлигини била туриб, автомобилни унга берган) автомобилни ҳайдовчилик гувоҳномасиз  бошқарган. 

У "Қапчуғай" маҳалласида иккинчи даражали йўлдан асосий йўлга чиқиб юбориши оқибатида, йўл-транспорт ҳодисаси содир бўлган. "Damas" автомашина ҳайдовчиси Х.Н. тан жароҳати олиб, кўрсатилган тиббий муолажаларга қарамасдан шифохонада вафот этган. 

Бош прокуратура матбуот котиби Ҳаёт Шамсутдиновнинг ёзишича, ЙТҲ юзасидан Жиноят кодексининг 266-моддаси (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда тергов ҳаракатлари олиб борилмоқда.