Тошкентда бир кунда учта ЙТҲ юз берди

Кундан кунга машиналар ортиб бораётган Тошкент шаҳрида йўл-транспорт ҳодисаларининг сони ҳам ўсиб бормоқда. Биргина кеча, 28 январь куни пойтахтнинг уч тумани — Яккасарой, Чилонзор ҳамда Миробод туманида турли кўринишдаги ЙҲТ содир бўлди.

Ўзбекистон

29.01.2025, 11:23

Lotinchada

Улашиш:

Toshkentda bir kunda uchta YTH yuz berdi

Тошкент шаҳар ЙҲХБ ахборот хизматига кўра, кеча соат 23:00 ларда Миробод тумани Шаҳрисабз кўчасида жамоат транспорти иштирокида ЙТҲ содир бўлди.

Унда М.И. исмли автобус ҳайдовчиси руль бошқарувини йўқотиб қўйиши оқибатида машинани бетон тўсиққа уриб юборади. Мазкур "авария"да ҳеч ким жароҳатланмаган.

Шунингдек, кеча соат 22:20 ларда Чилонзор тумани Бунёдкор шоҳ кўчасида 2 та "Malibu", "Lacetti" ҳамда "Labo" автомашиналари иштирокида тўқнашув юз берган.

Ушбу ЙТҲ оқибатида Бунёдкор шоҳ кўчаси бўйлаб қисқа муддатли тирбандлик юзага келган ва зудлик билан бартараф қилинган. Ҳодиса сабаб тан жароҳат олганлар йўқ.

Бундан ташқари, 28 январь куни 19:00 ларда Яккасарой тумани Афросиёб кўчасида "Epica" русумли транспорт воситасида ёнғин келиб чиққан.

Ёнғин туман ФВБ ходимлари томонидан бартараф этилган. Ёнғин оқибатида тан жароҳат олганлар бўлмаган.

Юқорида келтириб ўтилган мисоллар фақатгина расмий манба томонидан изоҳланган ҳолатлар эди. Очиғини айтганда, пойтахтда бу каби ЙТҲларнинг сони анча кўп. Бундай нохушликларнинг кўпиб бораётганига турлича сабабларни келтириб ўтиш мумкин.

Жумладан, ҳайдовчиларнинг тезлик чекловларига амал қилмаслиги, қизил чироқда ҳаракатланиш ёки светофорнинг тақиқловчи ишорасига бўйсунмаслик, транспорт воситалари орасидаги масофани сақламаслик, нотўғри қувиб ўтиш каби ўнлаб сабабларни келтириб ўтиш мумкин.

Ўзбекистон

29.01.2025, 11:23

Улашиш:

#автобус #авария #ЙТҲ

мавзуга оид янгиликлар