III Осиё ёшлар ўйинлари: ўзбекистонликлар яна 13 та медални қўлга киритди

Баҳрайнда бўлиб ўтаётган III Осиё ёшлар ўйинларининг навбатдаги кунида ўзбекистонликлар 13 та мукофотга сазовор бўлишди, дея хабар беради МОҚ.

Республика терма жамоаси аъзолари бокс, сузиш, гандбол, оғир атлетика, футзал, эркин кураш ва велоспорт бўйича беллашувларда қатнашишди.

«Кун давомида Ўзбекистон спортчилари 5 та олтин ва 8 та бронза медалини қўлга киритишди», — дейилади хабарда.

Ғолиблар:

Олтин

Гулҳаё Сатторова (велоспорт, гуруҳли пойга).

Маржона Абдумуталова (оғир атлетика, силтаб кўтариш, 58 кг гача).

Маржона Абдумуталова (оғир атлетика, даст кўтариш, 58 кг гача).

Мухлиса Машарипова (эркин кураш, 40 кг гача).

Улуғбек Рашидов (эркин кураш, 51 кг гача).

Бронза

Миржалол Мукаммилов (эркин кураш, 45 кг гача).

Меҳрибоно Қудойназарова (эркин кураш, 46 кг гача).

Фахриддин Насриддинов (эркин кураш, 60 кг гача).

Фаррухбек Жуманазаров (эркин кураш, 71 кг гача).

Муҳаммадисмоил Рахмонов (сузиш, 200 м брасс).

Сарвиноз Купайсинова (оғир атлетика, силтаб кўтариш, 63 кг гача).

Улбосин Жалғасбаева (бокс, 66 кг гача).

Назокат Мардонова (бокс, 50 кг гача).

Бугун республика вакиллари оғир атлетика, эркин кураш, жию-житсу, дзюдо, сузиш, волейбол ва велоспорт бўйича мусобақаларда иштирок этишмоқда.

Манамада ўтаётган III Осиё ёшлар ўйинларида 45 та осиё мамлакатидан спортчилар иштирок этмоқда. Мусобақалар 26 та спорт турини ўз ичига олади ва 31 октябргача давом этади.