Ижро иши бўйича кафолат маблағлари институти жорий этилмоқда

Асосий мақсад:

Ижро ҳужжатлари устидан шикоят қилинганда қарздор ва ундирувчи манфаатларини мувозанатлаш.

Янгиликлар:

Қонунга қўшимчалар киритилди (11-, 33-1-, 34- ва 38-моддалар).

Агар қарздорга нисбатан ижро иши бошланса (масалан, суд қарорига кўра мол-мулкни ундириш), у шикоят даврида ижрони вақтинча тўхтатиб туриш имкониятига эга бўлади.

Бунинг учун қарздор мажбурий ижро органининг махсус депозит ҳисобварағига кафолат маблағларини киритиши керак бўлади.

Кафолат маблағлари — ижро ҳужжати бўйича қарзнинг тўлиқ ёки бажарилмаган қисми миқдорида киритилади.

Қисқача қилиб айтганда, янги тартиб қарздорга суд қароридан шикоят қилиш вақтида ижро жараёнини тўхтатиб туриш имконини беради, лекин бунинг учун у қарз миқдорида кафолат пул маблағини махсус ҳисобга ўтказиши керак бўлади.