updated: 22.03.2026, 18:16

Илон Маск Трампнинг асосий қонун лойиҳасини "жирканч разолат" деб атади

Илон Маск Оқ уйда жамоат асосида олиб борган фаолиятидан кетганидан сўнг, АҚШ президенти Доналъд Трампнинг ички сиёсатдаги асосий ташаббусларидан бири бўлган "Битта Улкан Гўзал Қонун" — солиқлар ва маблағ ажратиш ҳақидаги қонунни оммавий равишда "жирканч разолат" деб атади. Бу ҳақда Маск ўзига тегишли Х тармоғидаги саҳифасида ёзиб қолдирган.

Жаҳон

04.06.2025, 12:40

Lotinchada

Улашиш:

Ilon Mask Trampning asosiy qonun loyihasini "jirkanch razolat" deb atadi

"Кечирасиз, лекин мен энди бунга чидай олмайман. Бу улкан, ғазаблантирувчи, "чўчқа гўшти"га тўла харажатлар тўғрисидаги қонун лойиҳаси — бу жирканч разолатдир. Бу қонун учун овоз берганларга уят бўлсин: сиз нотўғри иш қилганингизни жуда яхши биласиз", деган у.

Маълумот учун, АҚШ сиёсий жаргонида "чўчқа гўшти" ("pork", "pork barrel") атамаси сиёсатчилар томонидан тор гуруҳлар, бизнес доиралари ёки ўз манфаатлари йўлида лобби қилинган бюджет маблағларини англатади.

Трамп ва Оқ уй томонидан "Битта Улкан Гўзал Қонун" деб аталган бу қонун лойиҳаси 2025 йил май ойида Вакиллар палатаси томонидан қабул қилинди, ва июнь ойида АҚШ Сенатида тасдиқланиши кутилмоқда.

Илон Маск ўзининг бир нечта постларида бу қонун лойиҳаси АҚШнинг аллақачон улкан бўлган бюджет тақчиллигини 2,5 триллион долларга етказишини ва фуқаролар зиммасига катта қарз юкини орттиришини таъкидлади.

Яна бир муҳим факт — дунёдаги энг бадавлат инсон Илон Маск Трампнинг сайловолди кампаниясига 250 миллион доллардан ортиқ маблағ сарфлаган. Шунингдек, у Оқ уйда норасмий тарзда Давлат самарадорлиги департаменти (DOGE) деб аталган янги бўлимни бошқарган ва бюджет харажатларини қисқартириш билан шуғулланган.

Жаҳон

04.06.2025, 12:40

Улашиш:

#Илон Маск #Доналъд Трамп #Оқ уй

мавзуга оид янгиликлар