Оролбўйида сув бошқаруви лойиҳаси бошланди

Ташаббус Ўзбекистон ҳукумати томонидан БМТ Тараққиёт дастури билан ҳамкорликда ва Япония ҳукумати молиявий кўмагида амалга оширилади.

Лойиҳанинг умумий бюджети 4,6 миллион долларни ташкил этади. У самарали ва шаффоф сув бошқарувини йўлга қўйиш, ирригация инфратузилмасини модернизация қилиш, ГИС каби рақамли мониторинг тизимларини жорий этиш, шунингдек сув тежамкор ва иқлимга чидамли технологияларни қўллашни назарда тутади.

Кегейли, Чимбой, Қораўзак ва Бўзатов туманларидаги мингдан ортиқ фермер ва хонадонлар замонавий ечимлардан фойдаланиш имконига эга бўлади. Бу эса маҳсулдорлик ва озиқ-овқат хавфсизлигини оширишга хизмат қилади.

Ташаббус доирасида институционал салоҳиятни мустаҳкамлаш, гендер тенглигини илгари суриш ва минтақавий ҳамкорликни ривожлантириш ҳам кўзда тутилган. Мулоқот платформалари, ахборот кампаниялари ва тажриба алмашинуви орқали барқарор ва интеграциялашган сув бошқаруви моделларини яратиш режалаштирилган. 

Ушбу тажрибани кейинчалик мамлакат бўйлаб кенгайтириш ва Оролбўйи ҳудудининг бошқа қисмларида қўллаш мумкин бўлади.