updated: 22.03.2026, 18:07

Ўзбекистон банки EEFU билан 20 млн долларлик муробаха битимини имзолади

Ўзбекистонда исломий молиялаштиришга бўлган қизиқиш ортиб борар экан, бу йўналишда амалий қадамлар ҳам кенгаймоқда. Ipak Yuli Bank EEFU билан 20 миллион долларлик янги ҳамкорлик битимини имзолаганини маълум қилди. Маблағлар шариат талабларига мувофиқ Мурабаха воситаси орқали ажратилади.

Иқтисодиёт

21.11.2025, 10:38

Lotinchada

Улашиш:

Ўзбекистон банки EEFU билан 20 млн долларлик муробаха битимини имзолади

Маблағлар қаерга йўналтирилади?

Битим доирасида асосий эътибор микро, кичик ва ўрта бизнес субъектларини қўллаб-қувватлашга қаратилган. Тадбиркорлар усқунавий жиҳозлар, техника, хом ашё хариди ҳамда ишлаб чиқариш учун зарур айланма маблағларни фоизсиз ва шаффоф шартларда олиш имкониятига эга бўлади.

Мурабаха тизими нима?

Мурабаха механизмига кўра, банк тадбиркор учун товарни ўзи харид қилиб, кейин уни олдиндан келишилган устама нархи билан бўлиб-бўлиб сотади. Бу жараёнда:

фоиз қўлланилмайди;
яширин тўловлар бўлмайди;
шартлар тўлиқ шаффоф бўлади.

Исломий молиянинг асосий афзаллиги — молиялаштириш реал активларга таянади, бу эса рискларни камайтиради.

Банк мулоҳазаси

Банк вакилларининг таъкидлашича, мазкур ҳамкорлик Ўзбекистонда исломий молиялаштиришни оммалаштириш йўлидаги муҳим қадам бўлиб, ҳалол бизнес юритишни истаган тадбиркорлар учун янада қулай шарт-шароит яратади.

EEFU ҳақида

EEFU — Ислом Тараққиёт Банки, Саудия Тараққиёт Жамғармаси ва Ўзбекистон Тикланиш ва Тараққиёт Жамғармаси кўмагида ташкил этилган жамғарма ҳисобланади. Унинг асосий мақсади мамлакатда инклюзив ва барқарор иқтисодий ривожланишни рағбатлантириш, шу жумладан исломий молия механизмларини кенгайтиришдир.

Иқтисодиёт

21.11.2025, 10:38

Улашиш:

#исломий банк #ипак йўли банк

мавзуга оид янгиликлар