Ўзбекистон ноёб материалларни экологик усулларда ўзлаштирмоқда – euronews.com

Euronews.com мухбири Деймон Эмблинг Ўзбекистонда нодир материалларни қазиб олиш ва ишлаб чиқариш борасидаги ишлари бўйича лавҳа тайёрлади.

“Ўзбекистон уран, мис ва нодир ер элементлари каби танқис хомашё турларини ишлаб чиқиш ва экспорт қилиш бўйича саъй-ҳаракатларини кучайтирар экан, бу борада атроф-муҳитга камроқ зарар етказувчи усулларни жорий этишга интилмоқда.

Навоий вилоятида Франция, Япония ва Ўзбекистон ҳамкорлигидаги янги қўшма лойиҳа амалга оширилмоқда. Унда очиқ кон қазиб олиш усулига муқобил бўлган — ер остида эритма орқали қазиб олиш технологияси қўлланилмоқда. Бу усул экологик жиҳатдан хавфсиз ҳисобланади. Лойиҳа Франциянинг Орано компанияси ва Ўзбекистоннинг “Навоийуран” давлат корхонаси томонидан бошқарилмоқда.

Яшил технологияларда фойдаланиладиган ноёб материалларга талаб ортиб бораётган бир пайтда, Ўзбекистон халқаро илғор тажрибаларни ва Иқтисодий ҳамкорлик ва тараққиёт ташкилоти (ОECД) стандартларига мос ёндашувларни жорий этмоқда. Расмийлар бу чоралар Европалик ҳамкорлар билан алоқаларни мустаҳкамлаб,  ресурсларни масъулиятли ўзлаштиришга хорижий инвестициялар оқимини кучайтиришига умид қилмоқда”.