АҚШда Трамп тасвири туширилган махсус паспортлар чиқарилади

Бу ҳақда АҚШ Давлат департаменти маълум қилди. Қайд этилишича, янги паспортлар июль ойида нишонланадиган АҚШ мустақиллик декларацияси қабул қилинишининг 250 йиллиги доирасида тақдим этилади.

Паспортда қандай ўзгаришлар бўлади?

Расмийлар тақдим этган визуал материалларга кўра, Трамп тасвири паспорт саҳифаларидан бирида жойлаштирилади. Унинг қаршисида эса 1776 йилда Мустақиллик декларацияси имзолангани тасвирланган иллюстрация бўлади.

Департамент вакили Томми Пиготт таъкидлашича:

• паспорт дизайнида махсус график элементлар бўлади;
• ҳужжатнинг хавфсизлик даражаси сақланиб қолади;

• янги намуна амалдаги паспортлар каби қонуний кучга эга бўлади.

   

Фуқаролар учун шартлар

Ҳозирча фуқаролар ушбу эсдалик паспортларини олишни рад этиш имконига эга бўладими — бу аниқ эмас. Бироқ расмийларга кўра, улар учун қўшимча тўлов ундирилмайди.

Қўшимча ташаббуслар

Шунингдек, АҚШ Монетар зарбхонаси Трамп тасвири туширилган махсус олтин танга чиқаришни режалаштирмоқда.
АҚШ Молия вазирлиги эса илк бор амалдаги президент имзоси туширилган қоғоз пулларни жорий этишни кўзда тутган.

Маълум қилинишича, Трамп маъмурияти сўнгги вақтларда президент номи ва тасвирини давлат объектлари ва дастурларида кенгроқ қўллашга ҳаракат қилмоқда.