БМТ Эбола эпидемияси туфайли Конгога маблағ ва ходимлар юбормоқда

Бирлашган Миллатлар Ташкилоти Конго Демократик Республикасидаги Эбола эпидемиясини жиловлашга ёрдам бериш учун фавқулодда вазиятлар жамғармасидан қарийб 60 миллион доллар ажратмоқда ва қўшимча ходимларни сафарбар қилмоқда, деб хабар берди жума куни ташкилотнинг гуманитар ёрдам бўйича раҳбари.

“Биз бу Эбола эпидемиясининг олдини олишимиз керак”, деди Том Флетчер Х ижтимоий тармоғида. “Мазкур ҳудудлар ҳаётни сақлаб қолиш учун жуда оғир шароитларга эга. Биз можаролар ва аҳолининг фаол кўчиб юришига дуч келмоқдамиз”.

Вакцина мавжуд бўлмаган ушбу вирус ўтган ҳафта аниқланмасдан аввал Конгонинг Итури вилоятида тахминан икки ой давомида сезилмасдан тарқалган. 

Ҳозирга қадар касалликнинг тарқалиши натижасида гумон қилинган 670 та ҳолатдан 160 таси ўлим билан якунланди. 

Аввалроқ Конго Демократик Республикаси ва Угандада Эбола эпидемияси авж олгани ҳақида хабар бергандик.