Британия: Россия Навальнийни заҳарлаб ўлдирган

Британия ва унинг ҳамкор давлатлари маълум қилишича, Россия оппозицияси етакчиси Алексей Навальний қамоқда бўлган вақтида заҳарланган. 

Британия бу ҳолатни Кимёвий қуролларни тақиқлаш ташкилотига расман маълум қилди ҳамда Россияни Кимёвий қуроллар тўғрисидаги конвенцияни қўпол равишда бузганликда айблаб, бундай хавфли фаолиятни зудлик билан тўхтатишга чақирди.

Эпибатидин табиатда фақат Жанубий Америкадаги заҳарли дарт-қуртлар (қурбақалар) терисида учрайди. Асирликдаги қурбақаларда бу модда ҳосил бўлмайди ва у Россияда табиий равишда мавжуд эмас. Шу боис, мазкур модданинг Навальний танасидан топилиши унинг қасддан заҳарланганини кўрсатади.

Британия ташқи ишлар вазири Иветт Купер таъкидлашича, Навальнийни Россия қамоғида ушбу турдаги заҳар билан заҳарлаш имконияти, воситаси ва сабаби фақат Россия давлатининг ўзида бўлган. Унинг сўзларига кўра, Британия ва Европа ҳамкорлари Россияни бу ҳаракатлари учун жавобгарликка тортишда давом этади.

Британия бу воқеани 2018 йилда Солсберида Скрипалларга нисбатан «Новичок» қўлланилгани ва Украинада кимёвий қуроллар ишлатилгани билан боғлиқ ҳолатларнинг давоми деб қарамоқда.

Расмий Лондон Россияда фуқаролик жамияти ва инсон ҳуқуқлари ҳимоячиларини қўллаб-қувватлашда ҳамда адолатли ва тинч келажак йўлида ҳаракат қилишда давом этишини билдирган.