updated: 22.03.2026, 18:15

Фаластинни қўллаб-қувватлаган чет эллик намойишчилар Америкадан чиқариб юборилади

АҚШ Президенти Дональд Трамп Америкада Фаластинни қўллаб-қувватловчи кенг кўламли намойишларда иштирок этган чет элликларни 2025 йилнинг охирига қадар мамлакатдан чиқариб юборишини маълум қилди. Бу борада у 29 январь куни "Антисемитизмга қарши қўшимча чора-тадбирлар тўғрисида"ги фармонни ҳам имзолаган.

Жаҳон

31.01.2025, 11:11

Lotinchada

Улашиш:

Amerikada Falastinni qoʻllab-quvvatlagan chet ellik namoyishchilar mamlakatdan chiqarib yuboriladi

Фармон матнига кўра, АҚШ сиёсатида антисемитизмга қарши кураш қатъий олиб борилади. Ноқонуний антисемитизм ва зўравонлик учун айбдорлар жиноий жавобгарликка тортилади. Уларни тўхтатиб туриш ёки бошқа йўл билан жавобгарликка тортиш учун барча тегишли ҳуқуқий воситалардан фойдаланилади.

Шунингдек, Трамп 2023 йил 7 октябрда ҲАМАС ташкилотининг Исроилга ҳужумидан кейин бошланган Яқин Шарқдаги можаронинг кучайиши муносабати билан ўтказиладиган кампус ва кўчалардаги намойишларга қарши курашиш учун федерал ресурсларни сафарбар қилишини ваъда қилмоқда.

"Мамлакатда яшовчи ва "жиҳод"ни қўллаб-қувватловчи норозиликларга қўшилган барча чет элликларни огоҳлантирамиз: 2025 йилда биз сизни топамиз ва депортация қиламиз. Шунингдек, мен радикализмга чалиниб, ҲАМАС ташкилотининг тарафида турган барча университет талабаларининг визасини бекор қиламан", дея қайд этилган Трамп номидан ёзилган матнда.

Колумбия университетининг катта ҳуқуқшуносларидан бири Керри Деселлнинг сўзларига кўра, АҚШда яшовчи чет элликларни фақат сиёсий баёнотлар асосида чиқариб юбориш мамлакат конституциясига зид бўлган нарса. Бу сўз эркинлигига чекловни англатади.

Ўз навбатида, Америка – Ислом муносабатлари кенгаши (CAIR) ташкилотидаги инсон ҳуқуқлари фаоллари агар ҳукумат бу фармонни амалга оширишга ҳаракат бошланса, Трумп фармонига мувофиқ судга мурожаат қилишларини маълум қилди.

Араб – Америка институти Инсон ҳуқуқларини ҳимоя қилиш ташкилоти ижрочи директори Майя Беррининг айтишича, Америка жамияти Трампнинг фармонидан қаттиқ хавотирда. Шунингдек, у расмийларнинг бу ҳаракатини АҚШда сўз эркинлигини бузиш деб таърифлади.

Жаҳон

31.01.2025, 11:11

Улашиш: