Ғазога қилинган ҳужумларда ҳалок бўлганлар сони 66 минг нафардан ошди

2023 йил 7 октябрдан буён Исроил армиясининг қамал остидаги Ғазо секторига қилган ҳужумларида ҳалок бўлганлар сони 66 минг 5 нафарга етди.

Ғазо секторидаги Фаластин Соғлиқни сақлаш вазирлиги маълумотига кўра, сўнгги 24 соат ичида эксклавдаги ҳужумлар оқибатида 79 киши ҳалок бўлган, яна 379 киши яраланган.

Маълум қилинишича, 18 март куни Исроил армияси 19 январь куни ҲАМАС билан тузилган ўт очишни тўхтатиш келишувини бузган. Шундан бери амалга оширилган ҳужумларда 13 минг 137 фаластинлик ҳалок бўлган, 56 минг 121 киши яраланган.

27 майдан буён АҚШ билан ҳамкорликда Исроил томонидан ташкил этилган ёрдам тарқатиш пунктилардаги ҳужумларда ҳалок бўлганлар сони 2 минг 566 нафарга етган, 18 минг 769 киши яраланган.

Умуман олганда, 2023 йил 7 октябрдан буён Ғазо секторидаги ҳужумлар оқибатида яраланганлар сони 168 минг 162 нафарга етди.

Вайрон бўлган бинолар вайронаси остида ҳали-ҳануз минглаб ҳалок бўлганларнинг жасадлари қолмоқда.