Ғазо жанубидаги зарба оқибатида камида икки нафар фаластинлик ҳалок бўлди

Хон-Юнисдаги зарба оқибатида ҳам қурбонлар бор

Reuters агентлигининг хабар беришича, 11 октябрь, якшанба куни кечқурун Ғазо жанубидаги Хон-Юнис шаҳрининг Ал-Мавосий ҳудудида жойлашган чодирга ҳаво зарбаси берилган. Тиббиёт ходимларининг маълумотига кўра, ушбу ҳодисада уч киши ҳалок бўлган.
Исроил ҳарбийлари Reuters агентлигига мазкур ҳудудда ҳам қуролли гуруҳ аъзолари нишонга олинганини билдирган.

Исроил ва ҲАМАС бир-бирини айбламоқда

Исроил сўнгги ҳафталарда ҲАМАС позицияларига зарбаларни кучайтирди. Исроил томони ҲАМАС қайта қуролланаётгани ва сулҳ келишувини бузувчи ҳужумларни амалга ошираётганини даъво қилмоқда.

ҲАМАС эса бу айбловларни рад этиб, ўз қурол-яроғ захирасини қайта тиклаш ёки ҳужумлар уюштиришга уринаётгани ҳақидаги даъволарни инкор этмоқда. Гуруҳ Исроилни Ғазода тинчлик ўрнатиш жараёнига тўсқинлик қилишда айбламоқда.

Ғазодаги сулҳ келишуви тўлиқ амалга ошмаган

2025 йил октябрь ойида АҚШ воситачилигида эришилган сулҳ келишуви Ғазони қайта тиклаш, ҲАМАСни қуролсизлантириш ва Исроил қўшинларини ҳудуддан олиб чиқишга оид шартларни ўз ичига олган.

Бироқ Reuters маълумотига кўра, келишувни тўлиқ амалга ошириш борасида сезиларли олға силжиш кузатилмаган.
Ғазо соғлиқни сақлаш идоралари маълумотларига кўра, 2025 йил октябрдаги сулҳдан кейин Исроил ўқотар қуроллари ва зарбалари оқибатида камида 1 400 нафар фаластинлик ҳалок бўлган. Исроил томони эса шу даврда Ғазода қуролли гуруҳлар ҳужумлари оқибатида тўрт нафар ҳарбийси ҳалок бўлганини билдирган.

Муаллиф: Ҳасанбой ОЧУН