Ғазога зарбаларни тўхтатиш тўғрисидаги келишувга қарамай Исроил ҳужумларни давом эттирди

Маълумотларга кўра, зарбалар натижасида етти нафар фаластинлик яраланган, ҳудудлар устида қора тутун кўтарилган.

Носир шифохонаси манбалари маълум қилишича, Ғазо жанубидаги Хон-Юнус шаҳрида амалга оширилган ҳаво ҳужумлари оқибатида уч киши яраланган.

Шунингдек, гувоҳлар сўзларига кўра, Ғазо шаҳрининг Аз-Зайтун маҳалласига қилинган артиллерия ҳужумлари натижасида яна тўрт нафар фаластинлик тан жароҳати олган.

Аввалроқ АҚШ президенти Доналд Трамп Исроил ва ҲАМАС ўртасида отешкеснинг илк босқичи бўйича келишувга эришилганини маълум қилган эди.

Трампнинг сўзларига кўра, келишув доирасида асирлар яқин вақт ичида озод этилади, Исроил қуролли кучлари эса олдиндан белгиланган чизиққа чекинади.

“Катта ифтихор билан айтаманки, Исроил ва ҲАМАС бизнинг тинчлик режамизнинг биринчи босқичини маъқуллади. Барча асирлар яқин вақт ичида озод этилади”, — деди Трамп.

Шундан сўнг Исроилнинг KAN телеканали отешкес тўғрисидаги келишув амалга кирганини хабар қилган эди.