Исроил армияси Ғазода 360 та объектга ҳужум қилганини маълум қилди

Расмий баёнотда таъкидланишича, Ғазони босиб олиш режаси доирасида ҳужумлар кучайтирилади.

Ҳужумлар уч босқичда амалга оширилган:

Биринчи босқичда фуқаролар яшайдиган баланд уйлар нишонга олинган.

Иккинчи босқичда Дараж ва Туффа туманларидаги, ХАМАСга алоқадор деб ҳисобланган объектлар ўққа тутилган.

Учинчи босқичда Дараж, Туффа ва Шайх-Радван ҳудудлари бомбардимон қилинган.

8 август куни Исроилнинг Хавфсизлик кабинети Ғазо секторига босқин режасини маъқуллаган эди. Бош вазир Биньямин Нетаняҳу «бутун Ғазони назоратга олиш» ниятини билдирган.

Исроил 1967 йилдан 2005 йилгача 38 йил давомида Ғазо сектори устидан оккупацияни амалга оширган. Бугунги кунда 2,3 миллион аҳоли яшайдиган мазкур ҳудуд 18 йилдан буён қаттиқ блокада остида қолмоқда.