Канадалик фотомухбир агентликни Исроил ташвиқотини қўллаб-қувватлаганликда айблаб, Reuters агентлигидан кетди

Х саҳифасида қолдирган баёнотида у агентликни Ғазодаги Исроил ишғолини оқлашда ва Ал-Жазира телеканали мухбири Анас ал-Шариф каби фаластинлик журналистларни ҳимоя қила олмаганликда айблади.

Зинк ўзининг Reuters пресс-картасини йиртиб ташлаб юборган суратларини эълон қилди ва “Ғазодаги ҳамкасбларига қилинган хиёнати” туфайли агентлик билан ҳамкорликни имконсиз деб атади.

“Мен Ғазодаги камида 245 ҳамкасбимни мунтазам равишда ўлдиришга ёрдам берадиган, Исроил ташвиқотини кучайтирадиган нашрда ишлай олмайман”, - дея изоҳ берган Зинк.

Зинк шунингдек, Ғазодаги Носир касалхонасига қилинган сўнгги ҳужумни эслатиб ўтди, унда беш нафар журналист, жумладан Reuters оператори Ҳуссам ал-Масри ҳалок бўлган эди.