Ўзбекистон фуқаролари эндиликда Тайванга онлайн виза олишлари мумкин

Ўзбекистон, Қозоғистон ва Арманистон фуқаролари амал қилувчи Шенген ёки АҚШ визасига, ёки яшаш учун рухсатномага (ВНЖ) эга бўлса (виза ёки рухсатноманинг амал қилиш муддати камида 180 кундан кам бўлмаса), улар Тайванга визани электрон тарзда (e-visa) дунёнинг исталган нуқтасидан туриб топширишлари ва олишлари мумкин.

Бу янгилик фуқароларимизнинг Тайванга сафар қилиш жараёнини сезиларли даражада енгиллаштиради.

Электрон виза:
• бир марта кириш имконини беради
• 30 кунгача мамлакатда қолиш имконини тақдим этади

Эслатиб ўтамиз, илгари Тайван визасини олиш учун бошқа давлатлардаги консулликларга (масалан, Россия пойтахти Москва шаҳридаги консулликка) мурожаат қилиш талаб этилар эди.

📌 Ариза топшириш: visawebapp.boca.gov.tw
📧 Саволлар учун: consulrus@mofa.gov.tw