Уганда генерали Туркиядан 1 млрд доллар ва “энг гўзал аёл” талаб қилди

У ижтимоий тармоқлардаги чиқишларида Уганданинг Сомалидаги кўп йиллик хавфсизлик миссияси етарлича қадрланмаётганини таъкидлаб, Туркиядан 1 миллиард доллар миқдорида “хавфсизлик дивиденди” талаб қилди. 

Унинг фикрича, Туркия Могадишодаги порт ва аэропорт каби йирик инфратузилма лойиҳаларидан иқтисодий манфаат кўраётган бир пайтда, Уганда минтақада хавфсизлик юкини кўтариб келмоқда.

Кайнеругаба талаблар бажарилмаган тақдирда Туркия элчихонасини ёпиш ва дипломатик муносабатларни узиш билан таҳдид қилди.

Баёнотдаги энг кўп муҳокамага сабаб бўлган жиҳатлардан бири унинг Туркиядан “энг гўзал аёлни” турмуш қуриш учун тақдим этишни сўрагани бўлди. Ушбу фикрлар расмий дипломатик нутқдан кўра шахсий ва ғайриоддий характерга эга экани билан эътибор тортди.

Шунингдек, у Угандаликларни Туркияга сафар қилмасликка чақириб, хавфсизликка оид огоҳлантириш берди. Кайнеругаба айни пайтда Исроилни қўллаб-қувватлашини билдириб, зарурат туғилса, минглаб ҳарбийларни юборишга тайёр эканини ҳам таъкидлади.

Кузатувчиларга кўра, мазкур баёнотлар дипломатик муносабатларга таъсир кўрсатиши мумкин бўлган ноодатий ва кескин чиқиш сифатида баҳоланмоқда.