Вашингтонда Оқ уй яқинида отишма содир бўлди, ҳужумчи қўлга олинди

Пентагон маълумотларига кўра, ўқ узган шахс — 29 ёшли афғон фуқароси Рахмонулло Лаканвал бўлиб, у 2021 йилда АҚШ ҳарбийлари билан ҳамкорлик қилган афғонлар учун мўлжалланган махсус виза дастури орқали мамлакатга келган. Унинг визаси муддати тугаган ва ҳозир у мамлакатда ноқонуний равишда бўлган.

Тергов жараёнида у ёлғиз ҳаракат қилгани айтилмоқда. Ҳужум маълумотлари ҳозирча аниқ эмас.

Полиция ва ФБР ҳужумчи билан тергов ҳаракатларини давом эттирмоқда. Оқ уй атрофидаги ҳудуд ўраб олинган, яқин жойлардаги кўчалар вақтинча ёпилган.

АҚШ Президенти Дональд Трамп ҳодисани “террор акти” ва “инсониятга қарши жиноят” деб баҳолади. Унинг таъкидлашича, бу ҳолат ноқонуний мигрантлардан келувчи хавфни яна бир бор намоён этди.

Президент, шунингдек, 2021 йилда мамлакатга кирган барча афғон фуқароларини қайта текширишни ва “АҚШга фойда келтирмайди”, деб топилганларни тезлаштирилган тартибда депортация қилишни талаб қилди.