Хитой Африкадан олиб кириладиган маҳсулотларга божларни бекор қилади

Бу эса Пекин билан Африка мамлакатлари ўртасидаги савдо ва иқтисодий алоқаларни янада мустаҳкамлашга хизмат қилади, деб хабар беради AFP агентлиги.

Ҳозирда Хитой 33 та Африка мамлакатидан келадиган импорт маҳсулотларига бойларни нолга туширган, бироқ ўтган йили Хитой бу сиёсатни дипломатик алоқалари мавжуд бўлган барча 53 Африка мамлакатларига кенгайтиришини эълон қилган эди.

Янги кенгайтирилган сиёсат доирасида божлар Эсватини мамлакати (Эсвати́ни номи расман 2018 йил 19 апрелда қабул қилинган. Аввал бу давлат Свазиленд (Swaziland) деб номланган) га нисбатан амал қилмайди, чунки у Тайван билан дипломатик алоқаларини сақлаб қолмоқда. Хитой эса демократик оролни ўз ҳудуди деб ҳисоблайди ва назоратни ўрнатиш учун куч ишлатишни истисно қилмайди.

Хитой Африка қитъасининг энг катта савдо ҳамкори бўлиб, “Belt and Road Initiative” лойиҳаси орқали қитъадаги инфратузилма ривожланишида муҳим рол ўйнайди.

Мазкур қарор АҚШ Президенти Доналд Трампнинг ўтган йили жаҳон бўйлаб кескин бойларни жорий қилганидан кейин, бир қатор Африка мамлакатлари савдо шерикларини диверсификация қилишга уринган пайтга тўғри келмоқда.

Си Цзинпин ушбу нол‑бож сиёсати “Африканинг ривожланишида янги имкониятлар яратади” деб таъкидлади. Бу янгилик Африка Иттифоқининг йиллик саммити доирасида Эфиопияда ўтаётган етакчилар йиғилиши чоғида эълон қилинди.