Хитойда контрабанда билан айбланган Франция фуқароси қатл этилди

Бу ҳақда Франция Ташқи ишлар вазирлиги маълум қилди.

Айблов ва ҳукм

Маълумотларга кўра, у 2010 йилда метамфетамин тайёрлаш, контрабанда қилиш ва сотишда айбдор деб топилиб, ўлим жазосига ҳукм қилинган.

Франция ҳукумати уни гуманитар сабабларга кўра афв этишни сўраган, аммо бу мурожаатлар натижа бермаган. 

Франция муносабати

Франция расмийлари Чаннинг адвокати сўнгги суд мажлисида иштирок эта олмаганидан норозилик билдирди. Бу ҳолат унинг ҳуқуқлари бузилгани сифатида кўрилмоқда.

Париж яна бир бор ўлим жазосига қарши эканини билдириб, уни бутун дунё бўйлаб бекор қилишга чақирди.

Иш тафсилотлари

Чан Тао Фуми 2005 йилда ҳибсга олинган. Илк босқичда у умрбод қамоқ жазосига ҳукм қилинган, аммо ишда янги ҳолатлар аниқлангач, ҳукм қайта кўриб чиқилган.

Тергoв маълумотларига кўра, у 1999–2003 йиллар оралиғида Хитойда йирик миқдорда метамфетамин ишлаб чиқарган тармоққа алоқадор бўлган.

Amnesty Internationalнинг 2024 йилги ҳисоботида қайд этилишича, Хитой ҳар йили минглаб инсонларга ўлим жазоси қўллайдиган давлатлардан бири бўлиб қолмоқда.