updated: 22.03.2026, 16:40

Европа мамлакатлари Украинага 20 миллиард евролик ҳарбий ёрдам беради

Шу пайтга қадар Украинани қўллаб-қувватлаган Америка Қўшма Штатлари энди Россия билан яқин алоқаларни ўрнатаётгани сабабли Европа мамлакатларининг раҳбарлари Киев учун камида 20 миллиард евро қийматидаги ҳарбий ёрдам пакетини тайёрламоқда. Бу ҳақда уч нафар Европа Иттифоқи дипломати "Palitico" нашрига маълум қилди.

Жаҳон

24.02.2025, 13:40

Lotinchada In English

Улашиш:

Yevropa mamlakatlari Ukrainaga 20 milliard yevrolik harbiy yordam beradi

Режалаштирилган пакет АҚШ Президенти Дональд Трампнинг Украина Президенти Владимир Зеленскийни уруш учун жавобгар деб айблашидан сўнг эълон қилинди. Трамп уни "диктатор" деб атаб, Зеленский АҚШни алдаганини таъкидлади. Шунингдек, АҚШ Вакиллар Палатаси спикери Вашингтонда Киевга ёрдам юбориш учун "ҳеч қандай истак" йўқлигини билдирди.

Қайд этилишича, Европанинг бу ёрдами артиллерия ўқлари, ракеталардан тортиб нақд пулгача бўлган кўринишда тақдим қилинади. Бу миқдор ҳали оширилиши ҳам мумкин.

Чунки бугун, 24 февраль куни Брюсселда Россиянинг Украина уруши бошлаганининг уч йиллигига бағишланган Европа ташқи ишлар вазирларининг учрашуви бўлиб ўтади ва унда катта эҳтимол билан ёрдам пакетининг миқдори оширилади.

"Украинанинг қурол-яроғ таъминотини янгилашга қаратилган ташаббусни Европа Иттифоқининг юқори даражадаги дипломати, Эстониянинг бош вазири Кажа Каллас мувофиқлаштирмоқда. Бу ташаббус орқали кўлами жиҳатидан Европанинг олдинги ҳарбий ёрдамини ортда қолдириш мақсад қилган", дейилади хабарда.

Дипломатларлар ҳали музокаралар давом этаётганини, ёрдамнинг эҳтимолий шакли Европа Иттифоқининг расмий пакети бўлмаслигини, балки алоҳида аъзо давлатлардан йиғилган ёрдам кўринишда бўлиши мумкинлигини таъкидлашган. Чунки баъзи давлатлар, айниқса, Венгрия бу ёрдамга қаршилик билдирмоқда.

Жаҳон

24.02.2025, 13:40

Улашиш: