updated: 22.03.2026, 08:14

Марказий Осиё давлатлари ягона медиа платформасини яратмоқчи

Жорий йилнинг 8 август куни Остона шаҳрида Марказий Осиёда ахборот маконини ривожлантириш ва ҳамкорликни мустаҳкамлаш доирасида Марказий Осиё минтақасидаги давлатларнинг ОАВ масалалари бўйича ваколатли органлари ўртасида учрашув бўлиб ўтди. Бу ҳақда Қозоғистон Маданият ва ахборот вазирлиги хабар берди.

Сиёсат

12.08.2024, 09:51

Lotinchada

Улашиш:

Markaziy Osiyo davlatlari yagona media platformasini yaratmoqchi

Унда қайд этилишича, тадбирда Қозоғистон Республикаси маданият ва ахборот бўйича витсе-вазири Канат Искаков, Тожикистон Республикаси Телевидение ва радиоэшиттириш давлат қўмитаси раиси Нуриддин Саид, Ўзбекистон Республикаси Ахборот ва оммавий коммуникациялар агентлиги директори биринчи ўринбосари Дилшод Саиджанов, Туркманистон давлат телевидение, радио ва кинематография қўмитаси раиси ўринбосари Аннасахет Какаeв ҳамда Қирғизистон Республикаси Маданият, ахборот, спорт ва ёшлар сиёсати вазирлиги Халқаро алоқалар ва инвестициялар жалб қилиш бўлими бошлиғи Нусубали Жакипбеков иштирок этган.

Учрашув давомида давлат вакиллари медиа саводхонлигини ошириш ва сохта маълумотларни тарқатишга қарши курашиш чораларини муҳокама қилган. Шунингдек, тадбирда медиа соҳасидаги глобал чақириқларга қарши биргаликда курашишнинг муҳимлиги ҳақида гапирилган.

"Бундан ташқари, томонлар Марказий Осиё телеканали ва минтақавий медиа платформаси яратиш имкониятларини кўриб чиқишга келишиб олди",

дейилади хабарда.

Тадбир якунида ахборот соҳасидаги ваколатли органларнинг вакиллари ўз давлатларининг медиа соҳасидаги интеграцион жараёнларда фаол иштирок этишга тайёр эканликларини билдирган.

Сиёсат

12.08.2024, 09:51

Улашиш:

#Марказий Осиё #ОАВ

мавзуга оид янгиликлар