Мубашшир Аҳмад Туркиядаги уйидан гумонланувчи сифатида олиб кетилди

"Азон Глобал"га кўра, 8 май кунининг ўзида адвокатлар иштирокида суриштирув ишлари бошланган. Суриштирув натижасида Алишер Турсунов Истанбул Депортация марказига ўтказилиши ва 9 май куни у ердан қўйиб юборилиши керак бўлган. 

Аммо орадан 4 кун ўтган бўлса-да Иммиграция бошқармаси Турсуновнинг қаердалиги, соғлиғи ва суд жараёнлари ҳақида адвокат ва оила аъзоларига ҳам маълумотлар берилмаяпти.

"Туркия қонунчилигига кўра, назоратда ушлаб турилган шахснинг оиласига бу ҳақида маълумот берилиши, унинг ўзига ҳам яқинлари билан мулоқот қилишга изн этилиши белгилаб қўйилган. Ҳозиргача ҳатто адвокатлари ҳам домладан бирор хабар ололмаётганидан, ақалли қаерда сақланаётганини ҳам билолмаётганидан оиласи ва яқинлари асосли равишда хавотирга тушишмоқда. Боиси устоз Мубашшир Аҳмад узоқ йиллардан бери қандли диабет ва юқори қон босимидан азият чекиб келади ҳамда мунтазам равишда инсулин ва бошқа дорилар қабул қилишга мажбур", дейилади хабарда.

"Азон Глобал" Алишер Турсунов ҳақида ҳар қандай асоссиз хабарларга эътибор бермасликни сўрамоқда, шунингдек Турсунов ҳақидаги ҳар қандай янгиликлардан ўзлари маълум қилишини таъкидлаган.

Эслатиб ўтамиз, Жорий йилнинг февраль ойида Ички ишлар вазири матбуот котиби Мубашшир Аҳмад диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этишда гумонланиб қидирувга берилганини маълум қилган эди.

Аммо орадан бироз вақт ўтиб, Шоҳрух Ғиёсов буни техник хато эканлигини айтиб чиққанди. 

Унга кўра, Алишер Турсунов ҳақидаги қидирув эълон қилингани ҳақидаги ахборотни ИИВ базасига киритиш жараёнида техник хатога йўл қўйилган.