Ўзбекистонда АИ-92 бензини нархи арзонлашади

Бухоро нефтьни қайта ишлаш заводи (АО «Ўзбекнефтегаз») АИ-92 маркали автобензин нархини босқичма-босқич пасайтиришни бошлади. 

Маълум қилинишича, ишлаб чиқариш жараёнларини оптималлаштириш ҳамда таннархни камайтириш натижасида АИ-92 бензинининг бир тоннаси учун биржа бошланғич нархи 12 881 000 сўмдан 12 628 000 сўмга туширилди.

Шу тариқа, АИ-92 бензинининг 1 литри учун бошланғич биржа нархи тахминан 9 400 сўмни ташкил этмоқда.

Нархда пасайиш кузатилмоқда, бироқ унинг якуний истеъмолчилар — яъни ҳайдовчилар учун қай даражада сезилиши бозор механизмлари ва чакана савдо нархларига боғлиқ бўлади.

Албатта, пасайиш бор. Фақат у шунчалик “сезиларли”ки, ҳайдовчилар уни ҳис қилиш учун, эҳтимол, калькулятор ва сабр-тоқат билан қуролланишларига тўғри келар.