updated: 22.03.2026, 19:16

Путин ташрифи муносабати билан Тошкентдаги бир қанча таълим муассасаларида имтиҳонлар бошқа санага кўчирилди

Бугун, 27- май душанба куни, таълим муассасаларида белгиланган бир қанча имтиҳонлар бошқа санага қолдирилганлиги аниқланди. Буни «Paradigma.uz» нинг бир қанча манбаалари тасдиқламоқда.

Ўзбекистон

27.05.2024, 10:09

Lotinchada На русском языке In English

Улашиш:

“Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti huzuridagi aniq fanlarga ixtisoslashtirilgan maktab

Хусусан, Молия институтидаги якуний имтиҳонлар душанба куни ўтказилмаслиги душанба куни эрталаб талабаларга маълум қилинган. Бунга эса Россия Президенти Владимир Путиннинг Ўзбекистонга ташрифи сабаб сифатида келтирилган. Юнусобод туманидаги “Тошкент ирригация ва қишлоқ хўжалигини механизациялаш муҳандислари институти” миллий тадқиқот университети ҳузуридаги аниқ фанларга ихтисослаштирилган мактабда ҳам Путин ташрифи муносабати билан душанба кунига белгиланган имтиҳонлар қолдирилганлиги ўқувчиларга айтилган.

Аниқлашимизча, Ўзбекистон Республикаси Олий таълим, фан ва инновациялар вазири Конгратбай Шариповнинг 24- май куни имзоланган 01/10-579 сонли буйруғи билан шаҳарда йўл қурилиш-таъмирлаш ишлари олиб борилиши муносабати билан "талабаларга қулайликлар яратиш мақсадида" 27- май куни Тошкент шаҳридаги олий таълим муассасаларида дарслар ва якуний имтиҳонлар бекор қилинган. Талабаларнинг бизга хабар қилишича, ушбу буйруқ ҳақида душанба куни эрталаб маълум қилинган. 24- май куни имзоланган буйруқ 27- май тонгида талабаларга эълон қилинганлиги ва ушбу ҳолат пойтахтимизда бўлиб турган Россия Федерацияси Президенти Владимир Путининг шаҳарда ҳаракатланиши билан боғлиқ транспорт чекловларига алоқадор эканлиги ҳақидаги саволлар сўроқ остида қолмоқда.

Бу борада Олий таълим, фан ва инновациялар вазирлиги матбуот хизматига қилган қўрғироғимиз ҳам жавобсиз қолди.

Ўзбекистон

27.05.2024, 10:09

Улашиш:

#тошкент #путин #мактаб

мавзуга оид янгиликлар