Ўзбекистонда «рақамли суд» қандай ишлайди?

Ўзбекистонда 2025 йил якунига қадар тажриба тариқасида «Рақамли суд» концепцияси жорий этилмоқда. Бу кимларга дахл қилиши, қандай ишлаши ва автокамерал билан боғлиқ мавжуд муаммоларни ҳисобга олган ҳолда қандай хатарларни ўз ичига олиши мумкинлиги Norma.uz томонида кўриб чиқилди:

Президентнинг 21 августдаги фармони билан «фуқаролар ва тадбиркорлик субъектлари учун қулай шарт-шароитлар яратиш, шунингдек суд ишларини кўришни соддалаштириш мақсадида» тажриба тариқасида «Рақамли суд» концепцияси жорий этилмоқда. Тажриба натижалари бўйича унинг кейинчалик 2026–2027-йилларда ҳамма жойда жорий этилиши тахмин қилинмоқда. 

Ушбу тажриба нимани назарда тутади?

Асосий жиҳатлар қуйидагича:

барча мурожаатлар судга электрон шаклда юборилади;

жараён иштирокчилари суд биноларига ташриф буюрмайди ва суд муҳокамасида масофадан туриб иштирок этади;

судга ариза беришдан олдин сунъий интеллект ёрдамида суд муҳокамасининг тахминий натижаси ва харажатларнинг тахминий калькуляцияси шакллантирилади.