Ўзбекистонлик талабалар Россиядаги уруш ҳудудига мажбурий юборилмоқда. Улар президент Мирзиёевдан ёрдам сўраб, видеомурожаат йўллади

Ижтимоий тармоқларда тарқалган видоларга кўра, улар “Эски ТошМИ” (ТДТУ) ва Россиядаги “Приволжского исследовательского медицинского” университети билан ҳамкорлик ўрнатилган.

Россиядаги мазкур университет ҳозирда ҳарбий ҳолат эълон қилинган Нижний Новгородда жойлашган. Айнан шу ерда кеча Украина ҳужумидан кейин бир киши ҳалок бўлди, икки киши яраланди.

40 га яқин талабалар ўз ўқишларини хавфсизлик масаласи учун ўз ватанида, Ўзбекистонда давом эттиришни хоҳлашмоқда.

Университет ходимининг PARADIGMA.UZ'га маълум қилишича, талабларнинг ўзлари хоҳлаб кетишган. Улар Россияда ўқишини олдиндан билишган. Агар Россия университети диплом бермаса, Ўзбекистон университети ҳам диплом бера олмаслигини маълум қилди.

PARADIGMA.UZ мухбири вазиятга ойдинлик киритиш мақсадида Соғлиқни сақлаш вазири матбуот котиби Фурқат Санаев билан боғланди.

Санаевга кўра, ҳозир вазият ўрганилмоқда. Ўрганишлар якунига етганидан сўнг вазирлик бу ҳолат бўйича батафсил расмий муносабат билдирaди.

Маълум бўлишича, аввалги ректор ўқишни Қозоғистонга кўчиришни ваъда қилган, аммо янги ректор Баймурадов бу қарорни амалга оширишдан бош тортмоқда.

Талабаларга Россияга боришни ёки академик таътил олиш таклиф қилинмоқда. Бу ҳақда фақат яқинда маълум қилинди — чунки хусусий тиббиёт университетлари кўчирма талабаларни қабул қилишни тўхтатгани сабабли, талабалар альтернативасиз қолишмоқдa. Аммо улар ҳозир якуний босқичда бўлиб, улар ўқишни тугатишни хоҳлашмоқда.