Oʻzbekistonda «yashil» energiyani rivojlantirishga BAA kompaniyasi 27 mln dollar investitsiya kiritadi

Prezident Shavkat Mirziyoyevning joriy yil BAA poytaxtida oʻtgan sammitda belgilab bergan vazifalari ijrosi doirasida «yashil» energetika sohasida yirik loyihalar amalga oshirilmoqda.

Bugungi kunda quyosh va shamol elektr stansiyalari ishlab chiqargan elektr energiyasi hajmi 8 milliard kVt·soatdan oshgan.

Uchrashuvda:

mamlakatda kichik quvvatli qayta tiklanuvchi energiya manbalari ulushini oshirish;

mazkur yoʻnalishdagi ishlar samaradorligini kuchaytirish;

sohada zamonaviy yondashuvlarni joriy etish masalalari muhokama qilindi.

Shu munosabat bilan GSU kompaniyasi bilan shartnomalar imzolandi. Unga koʻra, kompaniya “Yashil Energiya” MChJga 27 mln dollar investitsiya kiritadi.

“Yashil Energiya” kompaniyasi davlat organlari, ijtimoiy soha obʼektlari va boshqa tashkilot binolarida kichik quvvatli qayta tiklanuvchi energiya qurilmalarini oʻrnatish va ishlatish ishlarini amalga oshiradi.

Shuningdek, hamkorlik doirasida kichik quvvatli quyosh va gidroelektr stansiyalari, elektromobillar uchun yuqori tezlikda zaryadlash shoxobchalarini barpo etish va ularga zamonaviy texnik xizmat koʻrsatish ishlari jadallashtiriladi.

Tomonlar “yashil” energiya manbalarini rivojlantirish boʻyicha hamkorlikni yanada kuchaytirishga kelishib oldilar.