Озодбек Назарбеков: "Ovoz"да ўзимнинг қариндошимни чиқаришдан менга нима фойда?!

Ижтимоий тармоқларда "Ovoz" лойиҳасидаги ҳакамлар, жумладан, Озодбек Назарбеков ва Севара Назархон ўз яқин қариндошларини ярим финалгача олиб бориб, манфаатлар тўқнашувини юзага келтирган, деган танқидий фикрлар лойиҳанинг биринчи мавсуми тугашига қарамай, ҳануз давом этмоқда.

Маданий

16.08.2024, 17:05

Lotinchada

Улашиш:

Ozodbek Nazarbekov: "Ovoz"da oʻzimning qarindoshimni chiqarishdan menga nima foyda?!

PARADIGMA.UZ журналисти ушбу лойиҳа қай даражада шаффоф ўтганига аниқлик киритиш мақсадида Маданият вазири Озодбек Назарбековни сўроққа тутди.

Вазир эса ўзига қарши билдирилган айбловларни рад этди ва ҳеч қандай манфаатлар тўқнашуви бўлмаганини, бундай ҳолатнинг пайдо бўлиши имконсизлигини билдирди.

"Ovoz" лойиҳасида манфаатлар тўқнашуви бўлди, деб кўпчилик аҳоли ёзди. Агар охирида ярим финални кўрган бўлсангиз, томошабин ўзига ёққан иштирокчига овоз берди. Ҳакамлар танлов қилмади. Бу ерда ҳакамлар бир-бирига рақиб. Масалан, менга нима керак, "Ovoz"га энг салбий қариндошимни олиб келиб, уни финалгача кўтариб чиқиш",

дейди у.

Бундан ташқари, Озодбек Назарбеков келгусида "Ovoz" лойиҳасида иштирок этмаслигини ва янги ҳакамлар танланишини айтди.

"Ovoz"нинг бу галги мавсумида бошқа ҳакамлар иштирок этади. Яна айтаман, лойиҳада коррупция қилиш имконсиз. Бу Голландия (Нидерландия) лойиҳаси. Ташкилотчилар етти ўлчаб бир кесиб. уни ташкиллаштиришган. Фақат битта масалада коррупция бўлиши мумкин. Бу ҳам SMSда",

деди Маданият вазири.

Маълумот учун, лойиҳанинг биринчи мавсумида Озодбек Назарбеков, Севара Назархон, Тоҳир Содиқов ва Фаррух Зокиров ҳакам сифатида қатнашган. Лойиҳада иштирок этган 2 ҳакамнинг қариндошлари, яъни вазир Назарбековга куёв бўлган Ёрқинхўжа Умуровнинг синглиси — Мадлен Шарипова ҳамда Севара Назархоннинг жияни — Юлдуз Назархонова ярим финалгача етиб келган.

Маданий

16.08.2024, 17:05

Улашиш:

#Овоз

машҳур янгиликлар