Стокгольмда Исроилга қарши норозилик акцияси бўлиб ўтди

Швеция журналистлар федерацияси ташаббуси билан ўтказилган акция доирасида журналистлар Медборгарплатсен майдонида йиғилиб, аввало “Al Jazeera” мухбири Анас аш-Шарифни эсладилар.

Журналистлар қўлларида “Геноцидни тўхтатинг. Сукут ўлдиради” ва “Анас аш-Шариф — Ғазода Исроил томонидан ўлдирилган журналист” ёзувли плакатлар ушлаб, “Биз фаластинлик журналистлар билан фахрланамиз” ва “Ғазода геноцид бўляпти; биз жим турмаймиз” дея шиорларни бақирдилар.

Иштирокчиларга “Журналистларни ўлдиришни тўхтатинг” ёзувли футболкалар тарқатилиб, Ғазода ўлдирилган журналистларга эътибор қаратиш мақсад қилинди.

Акция давомида тарқатилган баёнотда шундай дейилади:

“Фаластинлик журналистлар ва ОАВ ходимлари қасддан ўлдирилмоқда. Буни амалга ошираётган Исроилга ҳеч қандай санкция қўлланмаяпти, журналистларни ўлдириш жазосиз қолмоқда. Афсуски, дунё бунга жим кузатувчи бўлиб турибди, бу эса мутлақо йўл қўйиб бўлмас ҳолат. Исроил журналистлар ўлими учун жавоб бериши лозим. Журналистларни ўлдириш тўхтатилиши шарт”.