"Қизлар мактабга доим кечикиб келган". Андижондаги мактабда содир бўлган ҳолат юзасида тушунтириш берилди

Кеча, 12 сентябр куни ижтимоий тармоқларда Андижон шаҳридаги бешинчи мактабда таҳсил олувчи бир неча қиз дарсга кечикиб келгани учун ўтириб-турғизилгани тасвирланган видео тарқалган эди. Орадан бир кун ўтиб Андижон шаҳар мактабгача ва мактаб таълими бўлими воқеа юзасидан тушунтириш берди.

Ўзбекистон

13.09.2024, 16:41

Lotinchada

Улашиш:

"Qizlar maktabda doim kechikib kelgan". Andijondagi maktabda sodir boʻlgan holat yuzasida tushuntirish berildi

Мазкур ҳолат ҳақиқатдан ҳам 12 сентябрь куни Андижон шаҳридаги 5-мактабда юз берган. Ўша куни мактабнинг 10-синфида таҳсил олаётган ўқувчи қизлар мактабга соат 9:20 да кечикиб келган.

Муносабатда ёзилишича, қизлар мунтазам дарсга кеч қолиб келган, шунинг учун ҳам мактабнинг масъул ходими Д.Т. томонидан ўқувчилар тартибга чақирилган (ўтириб-турғизилган).

"Ушбу ҳолат мактаб директори томонидан назоратга олиниб, ўқувчилар дарсларга киритиб юборилган ҳамда ўқувчиларнинг ота-оналари билан дарс жараёнлари 8:00 дан бошланиши, ушбу вақтда ўқувчиларни мактабга келишларини таъминлаш зарурлиги юзасидан суҳбат олиб борилди", дейилади муносабатда.

Шунингдек, унда мактаб директори томонидан маъсул ходим Д.Т. билан тушунтириш ишлари олиб борилиб, унга нисбатан интизомий чора қўлланилгани ҳақида сўз боради.

Бу ҳолат бўйича Болалар омбудсмани ҳам муносабат берган эди. Унда бундай номақбул ҳаракатлар жавобсиз қолиши мумкин эмаслиги билдирилган.

"Таълимдаги тартиб-қоидалардан четга чиқиб, ўқувчиларга нисбатан турли жазолаш усулларини қўллаш ҳамда болани оммавий изза қилиш унинг шаъни ва қадр-қимматини поймол этади — бу боланинг конституциявий ҳуқуқларини бузишдир", дейилади унда.

Ўзбекистон

13.09.2024, 16:41

Улашиш:

#Андижон

мавзуга оид янгиликлар