Россияда эпилепсия хасталигини сунъий интеллектда аниқлаш усули кашф қилинди

Россиядан олимлар томонидан эпилепсия (миядаги нейронларнинг ортиқча ва тартибсиз фаоллиги оқибатида такрорланувчи тутқаноқлар билан кечадиган сурункали касаллик)ни сунъий интеллект ёрдамида аниқлаш усули яратилди. Бу ҳақда Соғлиқни сақлаш вазирлиги матбуот хизмати.

Фан-технология

17.02.2025, 10:43

Lotinchada

Улашиш:

Rossiyada epilepsiya xastaligini sunʼiy intellektda aniqlash usuli kashf qilindi

Жаҳон соғлиқни сақлаш ташкилоти маълумотига кўра, дунё бўйлаб 50 миллиондан ортиқ киши эпилепсия касаллигидан азият чекмоқда. Ачинарлиси, кейинги даврда улар сони йилига 5 миллион нафарга ортяпти.

Бу патология — бош миянинг сурункали хасталиги ҳисобландию. У 70 фоиз ҳолатда 20 ёшгача бўлган даврда ривожланади.

Бироқ эпилепсия ҳар доим ҳам яққол аломатлар билан намоён бўлмайди. Бу эса хасталикни эрта босқичда аниқлаш имконини пасайтиради. Оқибатда турли асоратларни келтириб чиқаради.

"Масалан, фотостимулятсия — касалликка ташхис қўйишнинг асосий усулларидан бири бўлиб, бу жараёнда тиббий технология ёрдамида бемор кўзига ёрқин нур чақнашлари йўналтирилади.

Аммо мазкур усул фақат фотосенситив эпилепсияни аниқлашда қўл келади. Хасталикнинг ёруғликка сезувчанлиги бўлмаган турига ташхис қўйишда эса янги диагностика усулларига эҳтиёж бор эди", дейилади хабарда.

Қайд этилишича, Россиянинг Болтиқ федерал университети ҳамда Н.И. Пирогов номидаги миллий тиббий жарроҳлик маркази олимлари электроэнцефалография таҳлилининг янги усулини ишлаб чиққан. Бу жараёнда сунъий интеллект технологиясидан фойдаланилади.

Тадқиқотчилар янги турдаги текширувни 108 нафар кишида синовдан ўтказган. Уларнинг ярми фотосенситив бўлмаган эпилепсия билан оғриган беморлар, қолган қисми эса соғлом инсонлар бўлган.

Маълум бўлишича, янги таҳлил усули эпилепсиянинг фотосенситив бўлмаган турига 71 фоиз аниқликда ташхис қўйиш имконини беради. Келгусида мазкур янгилик кенг қамровда синовдан ўтказилиши кутилмоқда.

Фан-технология

17.02.2025, 10:43

Улашиш: