20 та мусулмон мамлакат Исроилнинг Эронга тажовузини қоралаб, қўшма баёнот қабул қилди

Қайд этилишича, Миср ташқи ишлар вазирининг ўз ҳамкасблари билан амалга оширган маслаҳатлашувлари натижасида 20 та мусулмон давлати: Миср, Иордания, БАА, Покистон, Баҳрайн, Бруней, Туркия, Чад, Гамбия, Жазоир, Комор ороллари, Жибути, Саудия Арабистони, Судан, Сомали, Ироқ, Уммон, Қатар, Қувайт, Ливия ва Мавритания ташқи ишлар вазирлари қўшма баёнот чиқариш орқали сионистик режимнинг Эрон ҳудудига ҳарбий тажовузини қораладилар.

Мусулмон мамлакатлар Исроилнинг 13 июнь тонгидан бошлаб Эронга қилган тажовузини қоралаб, уни БМТ низоми ва халқаро ҳуқуқнинг очиқ-ойдин бузилиши, деб таърифладилар.

Шунингдек, баёнотда иштирок этган мамлакатлар томонидан икки давлатнинг яхлитлигига ҳурмат билан ёндашиш ва ҳарбий ечимлардан тийилиш зарур эканлиги айтилди.

Араб ва ислом давлатлари Исроилнинг минтақавий барқарорликка таҳдид сифатида кескинликни кучайтиришидан огоҳлантириб, Исроилнинг Эронга қарши ҳужумларини зудлик билан тўхтатиш ҳамда ўт очишни тўхтатиш вазиятни тинчитиш жараёнини бошлашни талаб қилмоқда.

Минтақани ядровий қуроллардан холи этиш зарурлигини таъкидлаб, барча давлатларни Ядровий қуролларни тарқатмаслик тўғрисидаги шартнома (NPT)га қўшилишга чақирдилар.

Баёнотда қатнашган мамлакатлар Исроил Эроннинг ядровий иншоотларига қилинган ҳужумни қоралаб, уни 1949 йилги Женева конвенциясининг очиқ-ойдин бузилиши, деб баҳоладилар.

Мамлакатлар Эрон билан ядровий музокараларга қайтишни барқарор келишувга эришишнинг ягона йўли сифатида кўрсатдилар.

Шунингдек, баёнотда халқаро сувларда кемалар эркин ҳаракатланиши ҳамда денгизда сузиш хавфсизлигини таъминлаш зарурлигига ҳам урғу берилган.

Икки мамлакат ўртасидаги можаро дипломатия ва мулоқотни инқирозларга ягона ечим деб билиб, ҳозирги инқироз ҳарбий йўл билан ҳал қилинмаслиги таъкидланди.

Ушбу баёнот Миср ташаббуси билан ҳамда фаол дипломатик контактлар доирасида қабул қилинган бўлиб, мусулмон давлатларининг минтақада уруш кенгайишидан чуқур хавотирда эканликларини кўрсатади.

Маълумот учун, ҳозирги вақтга қадар мусулмон бўлмаган бир қанча давлатлар хусусан, Россия, Хитой, Шимолий Корея ва ҳали ҳеч бир давлат тан олмаган Афғоснитон Ислом Республикаси ҳукумат вазкиллари Эрон томонда эканлигини маълум қилишди.