“Зудлик билан тўхтанг“ – Трамп Эрон ва Исроилдан ўт очмасликни сўрамоқда

АҚШ президенти Доналд Трамп Эрон ва Исроил ўртасидаги зарбалар алмашинувини тўхтатишга чақирди. Чунки бу ҳужумлар унинг дипломатия борасидаги саъй-ҳаракатларига таҳдид солмоқда.

“Исроил ва Эрон зудлик билан ўқ отишни тўхтатиши шарт”, — деб ёзди Трамп “Truth Social” саҳифасида.

Якшанба куни бўлиб ўтган телефон суҳбатида Трамп Исроил Бош вазири Бинямин Нетаняҳуга Эронга қарши жавоб ҳужумини бошламай туришни айтган.

Нетаняҳу фикрида қатъий турибди

Исроил Бош вазири Бинямин Нетаняҳу мамлакат раҳбари зарур бўлганда ҳатто Америка Қўшма Штатлари Президентига ҳам “Йўқ” дея олиши шартлигини таъкидлади.

Хабарларга кўра, Нетаняҳу Вашингтон билан бўлган охирги мулоқотда ўз фикрида собит турган.