20 ta musulmon mamlakat Isroilning Eronga tajovuzini qoralab, qoʻshma bayonot qabul qildi

Qayd etilishicha, Misr tashqi ishlar vazirining oʻz hamkasblari bilan amalga oshirgan maslahatlashuvlari natijasida 20 ta musulmon davlati: Misr, Iordaniya, BAA, Pokiston, Bahrayn, Bruney, Turkiya, Chad, Gambiya, Jazoir, Komor orollari, Jibuti, Saudiya Arabistoni, Sudan, Somali, Iroq, Ummon, Qatar, Quvayt, Liviya va Mavritaniya tashqi ishlar vazirlari qoʻshma bayonot chiqarish orqali sionistik rejimning Eron hududiga harbiy tajovuzini qoraladilar.

Musulmon mamlakatlar Isroilning 13 iyun tongidan boshlab Eronga qilgan tajovuzini qoralab, uni BMT nizomi va xalqaro huquqning ochiq-oydin buzilishi, deb taʼrifladilar.

Shuningdek, bayonotda ishtirok etgan mamlakatlar tomonidan ikki davlatning yaxlitligiga hurmat bilan yondashish va harbiy yechimlardan tiyilish zarur ekanligi aytildi.

Arab va islom davlatlari Isroilning mintaqaviy barqarorlikka tahdid sifatida keskinlikni kuchaytirishidan ogohlantirib, Isroilning Eronga qarshi hujumlarini zudlik bilan toʻxtatish hamda oʻt ochishni toʻxtatish vaziyatni tinchitish jarayonini boshlashni talab qilmoqda.

Mintaqani yadroviy qurollardan xoli etish zarurligini taʼkidlab, barcha davlatlarni Yadroviy qurollarni tarqatmaslik toʻgʻrisidagi shartnoma (NPT)ga qoʻshilishga chaqirdilar.

Bayonotda qatnashgan mamlakatlar Isroil Eronning yadroviy inshootlariga qilingan hujumni qoralab, uni 1949 yilgi Jeneva konvensiyasining ochiq-oydin buzilishi, deb baholadilar.

Mamlakatlar Eron bilan yadroviy muzokaralarga qaytishni barqaror kelishuvga erishishning yagona yoʻli sifatida koʻrsatdilar.

Shuningdek, bayonotda xalqaro suvlarda kemalar erkin harakatlanishi hamda dengizda suzish xavfsizligini taʼminlash zarurligiga ham urgʻu berilgan.

Ikki mamlakat oʻrtasidagi mojaro diplomatiya va muloqotni inqirozlarga yagona yechim deb bilib, hozirgi inqiroz harbiy yoʻl bilan hal qilinmasligi taʼkidlandi.

Ushbu bayonot Misr tashabbusi bilan hamda faol diplomatik kontaktlar doirasida qabul qilingan boʻlib, musulmon davlatlarining mintaqada urush kengayishidan chuqur xavotirda ekanliklarini koʻrsatadi.

Maʼlumot uchun, hozirgi vaqtga qadar musulmon boʻlmagan bir qancha davlatlar xususan, Rossiya, Xitoy, Shimoliy Koreya va hali hech bir davlat tan olmagan Afgʻosniton Islom Respublikasi hukumat vazkillari Eron tomonda ekanligini maʼlum qilishdi.