“Туристларсиз яшаш мумкин, сувсиз яшаб бўлмайди” – профессор Зарифбой Ибодуллаев Чорвоқдаги қурилиш ҳақида

Куни кеча Чорвоқ сув омбори атрофида қурилиши назарда тутилган See Breeze Uzbekistan лойиҳаси бўйича матбуот анжумани ўтказилди, журналистлар томонидан бир қанча саволлар ўртага ташланди.

Лойиҳанинг ижтимоий тармоқларда катта баҳс-мунозараларга сабаб бўлгани ортидан, ушбу туристик иншоотларнинг қурилиши сув хавфсизлиги ва бошқа хатарларга олиб келиши фаоллар томонидан таъкидланмоқда.

"Мулк ва Мерос" подкастининг ушбу сонида ичимлик суви хавфсизлиги, экология, туризм ва маданий мерос масалалари ҳақида профессор Зарифбой Ибодуллаев билан суҳбатлашдик.

Профессорнинг айтишига қараганда, кейинчалик бойларга хизмат қилиши тахмин қилинаётган мазкур қурилиш ишларини зудлик билан тўхтатиш зарур.

Чорвоқ сув омбори стратегик объект эканлигига эътибор қаратган Зарифбой Ибодуллаев ичимлик суви билан боғлиқ муаммолар юзага келмаслиги учун бу лоёиҳадан воз кечиш лозимлигини алоҳида таъкидлади.

Профессор шунингдек нима учун лойиҳа Экология вазирлигига топширилмаган бўлса президент олдида тақдимот қилинганига эътибор қаратди.

Ушбу қизиқарли суҳбатни ютуб платформаси орқали тўлиқ томоша қилишингиз мумкин.