“Turistlarsiz yashash mumkin, suvsiz yashab boʻlmaydi” – professor Zarifboy Ibodullayev Chorvoqdagi qurilish haqida

Kuni kecha Chorvoq suv ombori atrofida qurilishi nazarda tutilgan See Breeze Uzbekistan loyihasi boʻyicha matbuot anjumani oʻtkazildi, jurnalistlar tomonidan bir qancha savollar oʻrtaga tashlandi.

Loyihaning ijtimoiy tarmoqlarda katta bahs-munozaralarga sabab boʻlgani ortidan, ushbu turistik inshootlarning qurilishi suv xavfsizligi va boshqa xatarlarga olib kelishi faollar tomonidan taʼkidlanmoqda.

"Mulk va Meros" podkastining ushbu sonida ichimlik suvi xavfsizligi, ekologiya, turizm va madaniy meros masalalari haqida professor Zarifboy Ibodullayev bilan suhbatlashdik.

Professorning aytishiga qaraganda, keyinchalik boylarga xizmat qilishi taxmin qilinayotgan mazkur qurilish ishlarini zudlik bilan toʻxtatish zarur.

Chorvoq suv ombori strategik obʼekt ekanligiga eʼtibor qaratgan Zarifboy Ibodullayev ichimlik suvi bilan bogʻliq muammolar yuzaga kelmasligi uchun bu loyoihadan voz kechish lozimligini alohida taʼkidladi.

Professor shuningdek nima uchun loyiha Ekologiya vazirligiga topshirilmagan boʻlsa prezident oldida taqdimot qilinganiga eʼtibor qaratdi.

Ushbu qiziqarli suhbatni yutub platformasi orqali toʻliq tomosha qilishingiz mumkin.