Ўзини прокуратура ходими сифатида таништириб, ишга киритишни ваъда қилган шахс ушланди

Маълум қилинишича, захирадаги кичик сержант У.К. фуқаро А.О.га ўзини гўёки Қашқадарё вилояти прокуратураси ходими сифатида таништирган. У фуқаронинг укаси Л.О.ни Мудофаа вазирлиги тизимига юқори лавозимда ишловчи танишлари орқали ишга жойлаштириб беришини айтиб, бунинг эвазига 3 000 АҚШ доллари талаб қилган.

Тезкор тадбир давомида у келишилган маблағнинг 1 500 АҚШ долларини олган вақтида ашёвий далиллар билан ушланган.

Ҳолат юзасидан Жиноят кодексининг 168-моддаси (фирибгарлик) ҳамда 28, 211-моддалари (пора беришга далолат қилиш) билан жиноят иши қўзғатилган.

Ҳозирда мазкур ҳолат юзасидан тергов ҳаракатлари олиб борилмоқда.