300-мактабда ўқувчилар ўртасидаги жанжал юзасидан расмий баёнот берилди

Маълумотларга кўра, ҳолат 20 сентябрь куни юз берган. Дарсдан сўнг 4-синф ўқувчиси И.А. ва синфдош ўғил болалар ўртасида оғзаки тортишув ортидан жанжал келиб чиққан. Мактаб маъмурияти бу ҳолат ҳақида ҳудудий профилактика инспектори ҳамда мактабга бириктирилган инспектор-психологларга дарҳол хабар берган.

Ўрганиш натижаларига кўра, И.А. билан жанжаллашган ўқувчилар — И.А. ва Э.Ж.нинг ота-оналари Маъмурий жавобгарлик тўғрисидаги кодекснинг 47-моддасига (Болаларни тарбиялаш ва уларга таълим бериш борасидаги мажбуриятларни бажармаслик) асосан маъмурий жавобгарликка тортилган.

Бундай ҳолатларнинг такрорланишига йўл қўймаслик мақсадида ота-оналар иштирокида йиғилиш ўтказилиб, тушунтириш ишлари олиб борилган. Шунингдек, мактаб директори ва масъул ходимларга нисбатан интизомий чоралар кўрилган.