Ҳокимнинг тил масалалари бўйича маслаҳатчиси лавозими жорий этилади

 Ҳужжатга кўра, 2026 йил 1 январдан бошлаб республика даражасидаги давлат органлари, хўжалик бирлашмалари ҳамда маҳаллий ҳокимликларда раҳбарнинг маънавият ва давлат тили масалалари бўйича маслаҳатчиси лавозими жорий этилади.

Қарорнинг асосий йўналишлари қуйидагича:

Асосий мақсадлар

Давлат тилидан барча соҳаларда самарали фойдаланиш;

Ўзбек тилини ўқитиш тизимини такомиллаштириш;

Тилнинг софлигини сақлаш ва луғат бойлигини ошириш;

Ахборот технологиялари ва сунъий интеллект орқали қўллаб-қувватлаш;

Хориждаги нуфузини ошириш ва ватандошлар учун шароит яратиш.

Амалиётга татбиқ этиш чоралари

2025–2026 йилларга мўлжалланган амалий дастур тасдиқланади;

Давлат идораларида маънавият ва тил масалалари бўйича маслаҳатчи лавозими жорий этилади;

Мактабгача ва мактаб таълимида янги дарсликлар, луғатлар ва мультимедиа материаллар яратилади;

“Ўзбекистон миллий қомуси” ва “Она тили. Қомус” китоблари чоп этилади.

Ахборот технологиялари ва сунъий интеллект

Ўзбек тилини сунъий интеллект асосида қўллаб-қувватловчи платформа ишлаб чиқилади;

Янги атамалар ва луғатларни қамраб олган электрон реестр ва платформа ташкил этилади.

Илмий-амалий ва маданий тадбирлар

Ҳар йили октябрда халқаро конференциялар, олимпиадалар ва танловлар ўтказилади;

“Жонажон ўзбек тилим”, “Ўзбек тили – қалбим таржимони” каби лойиҳалар амалга оширилади;

Алишер Навоий номидаги халқаро олимпиада ғолиблари университетларга давлат гранти асосида қабул қилинади.

Ватандошлар ва миллатлараро ҳамжиҳатлик

Миллий маданий марказлар ва хориждаги ўзбек диаспоралари учун тил курслари кенгайтирилади;

“Ибрат фарзандлари” лойиҳаси доирасида сунъий интеллект ёрдамида тил ўргатиш модули ишга туширилади.

Назорат ва ижро

Адлия вазирлиги қонунчиликка тегишли ўзгартиришларни тайёрлайди;

Ижрони ташкил этиш ва назорат қилиш Бош вазир А.Н. Ариповга юкланади.