Навоий ҳибсхоналарида нималар содир бўлмоқда? Омбудсман назорати

2026 йил 30 март – 1 апрель кунлари Олий Мажлис Инсон ҳуқуқлари бўйича вакили (Омбудсман) Девони ходимлари ҳамда Қийноқларнинг олдини олиш бўйича Миллий превентив механизм доирасида фаолият юритувчи Жамоатчилик гуруҳи Навоий вилоятидаги ҳаракатланиш эркинлиги чекланган шахслар сақланадиган ёпиқ муассасаларга мониторинг ташрифлари амалга оширди.

Мониторингда қандай муассасалар текширилди?

• Навоий шаҳридаги 4 ва 11-сон жазони ижро этиш колониялари
• Навоий шаҳар вақтинча сақлаш ҳибсхонаси
• 36-сон манзил-колония ва маҳкумлар меҳнат қилаётган объектлар
• Зарафшон шаҳар ички ишлар бўлимининг вақтинча сақлаш ҳибсхонаси
• Мастлик ҳолатидаги шахслар учун тиббий ёрдам пункти
• 12-сон жазони ижро этиш колонияси
• Нуротадаги “Мурувват” ногиронлиги бўлган шахслар учун эркаклар интернат уйи

• Қизилтепа туманидаги 5-сон жазони ижро этиш колонияси

  

Мониторингда нималар текширилди?

• Ошхона, ётоқхона, маиший хоналар, тиббиёт бўлими, учрашувхоналар ва ишлаб чиқариш цехлари ҳолати
• Маҳкумларнинг ҳуқуқларидан фойдаланиш ҳолати
• Касбга ўргатиш тўгараклари: тикувчилик, электриклик, асаларичилик, чорва ва паррандачилик, деҳқончилик, дурадгорлик, юмшоқ мебель тайёрлаш ва хорижий тиллар
• Маҳкумлар билан жамоавий ва якка тартибда суҳбатлар

• Муассасалардаги “Омбудсман қутиси”лари ва мурожаатлар назорати

  

Хорижий тиллар ва таълим имкониятлари

4-, 5-, 11- ва 12-жазони ижро этиш колонияларида хорижий тиллар тўгараги ташкил этилган. Ўқув хоналари замонавий интерактив доскалар, методик қўлланма, дарслик ва зарур адабиётлар билан таъминланган. Машғулотлар видеотақдимотлар, мультимедиа дарсликлари ва интерактив ўйинлар орқали ўтказилади.

Мониторинг натижаси

Мониторинг натижалари асосида тегишли вазирлик ва идораларга Омбудсманнинг таъсир чоралари шаклидаги ҳужжатлар киритилади. Шу билан бирга, қийноқларни олдини олиш бўйича тайёрланган таҳлилий маълумотлар ва тавсиялар давлат органларига тақдим қилинади.