Ўзбекистонда 6–9 октябрь кунлари ҳарорат 25 даражагача кўтарилади

Ўзбекистонда 6–9 октябрь кунлари ёғингарчилик кутилмайди. Бу ҳақда Ўзбекистон Республикаси Экология ва иқлим ўзгариши миллий қўмитаси ҳузуридаги Гидрометеорология хизмати агентлиги маълум қилди.

Маълумотларга кўра, 6 октябрь куни республикада кечаси ҳаво ҳарорати 5–10 даража, мамлакат шимолида эса 2–7 даража илиқ бўлади. Кундузи ҳаво 15–20 даража атрофида бўлиши кутилмоқда.

7–9 октябрь кунлари ҳарорат аста-секин кўтарилади. Кечаси ҳаво 10–15 даража, кундузи эса 20–25 даражагача илиши прогноз қилинган.
Республика бўйича шамол асосан шарқдан секундига 7–12 метр тезликда эсади.

Тошкентда об-ҳаво қандай бўлади?

Пойтахтда 6–9 октябрь кунлари ёғингарчилик кутилмайди. Шамол шарқдан секундига 3–8 метр тезликда эсади.

Тошкентда 6 октябрь куни кундузи ҳаво 17–20 даража бўлади. 7–9 октябрь кунлари ҳарорат аста-секин 22–25 даражагача кўтарилади.

Кечаси 6–7 октябрда 7–10 даража, 8–9 октябрда эса 12–15 даража илиқ бўлиши кутилмоқда.

Тоғли ҳудудларда

6–9 октябрь кунлари мамлакатнинг тоғли ҳудудларида ҳам асосан ёғингарчиликсиз об-ҳаво кузатилади. Бироқ 8–9 октябрь кунлари Фарғона вилоятининг тоғли ҳудудларида баъзи жойларда бироз ёмғир ёғиши мумкин.